កីឡានិងសុខភាព
គន្លឹះអស្ចារ្យ ៥យ៉ាងដើម្បីព្យាបាលសក់ស្ងួតប្រសិនបើមិត្ដនារីចង់បានសក់ភ្លឺរលោង និងមានសុខភាពល្អ វាមិនគ្រប់គ្រាន់ទេ ដោយគ្រាន់តែទៅហាងធ្វើសក់។ សក់ស្រស់ស្អាតតម្រូវឱ្យចំណាយប្រាក់ច្រើនទៅលើផលិតផលផ្សេងៗ ប៉ុន្ដែជានិច្ចកាល គ្រឿងផ្សំដែលត្រូវការចាំបាច់សម្រាប់រក្សាឱ្យសក់ស្រស់ស្អាត និងមានសុខភាពល្អរកបាននៅក្នុងទូរគ្រឿងទេសបែបធម្មជាតិ។ ប្រហែលជា គ្រឿងផ្សំភាគច្រើន អ្នកមាននៅក្នុងទូរទឹកកករបស់ខ្លួនរួចទៅហើយ។ ការណែនាំបែបសង្ខេបខាងក្រោម អាចជួយអ្នកឱ្យស្វែងយល់ពីការព្យាបាលសក់ស្ងួតតាមបែបធម្មជាតិកម្រិតមូលដ្ឋាន។ ទីនេះយើងសូមណែនាំវិធីសាស្រ្ដបែបធម្មជាតិ ៥យ៉ាង ដែលអាចធ្វើឡើងក្នុងរយៈពេលខ្លី និងចំណាយប្រាក់តិច។
១. ប្រេងអូលាវ៖ ការព្យាបាលបែបនេះអាចយកមកប្រើប្រាស់ជាការម៉ាស្សា។ សូមចាក់ប្រេងអូលាវប៉ុន្មានដំណក់ទៅលើបាតដៃរបស់អ្នក ហើយម៉ាស្សាស្រាលៗលក្ខណៈរង្វង់មូលទៅលើស្បែកក្បាលរបស់អ្នក។ អនុវត្ដបែបនេះរឿយៗ រហូតដល់ស្បែកក្បាលរបស់អ្នកទទួលបានការម៉ាស្សាពេញទាំងអស់ បន្ទាប់មកត្រដុសសក់របស់អ្នកជាមួយប្រេងអូលាវ(ប្រសិទ្ធភាពកាន់តែប្រសើរ ប្រសិនបើប្រើប្រេងអូលាវសុទ្ធ) គ្របសក់នឹងកន្សែងពោះគោ ហើយទុកវាឱ្យបាន ៤៥នាទីមុនពេលលាងជម្រះវាដោយទឹកក្ដៅឧណ្ហៗ។
២. ទឹកខ្មេះពណ៌ស៖ ការប្រើទឹកខ្មេះពណ៌សមួយស្លាបព្រាកាហ្វេ នៅពេលលាងជម្រះសក់របស់អ្នកជាមួយទឹកក្ដៅឧណ្ហៗ នឹងផ្ដល់ប្រសិទ្ធភាពខ្ពស់ចំពោះសក់ស្ងួត ស្រួយ និងបែកចុង។ ប្រសិនបើសក់អ្នកខូចធ្ងន់ធ្ងរ វាជារឿងប្រសើរក្នុងការលាយ ទឹកមួយពែង និងទឹកខ្មេះមួយពែងក្នុងចំណុះស្មើរៗគ្នា ហើយចាក់វាទៅលើសក់របស់អ្នក បន្ទាប់មកទុកវាឱ្យបានរយៈពេលមួយម៉ោងមុនពេលលាងជម្រះ ដោយការយកកន្សែងពោះគោមកគ្របការពារសក់របស់អ្នក។
៣. ផ្លែប័រ៖ សាច់ផ្លែប័រ លាយជាមួយចេក និង Mayonnaise បង្កើតបានជាម៉ាស់ ដើម្បីពង្រឹងសក់ឱ្យរឹងមាំ។
៤. Mayonnaise៖ Mayonnaise អាចជាប្រភពដ៏មានតម្លៃ សម្រាប់ថែរក្សាសក់ ព្រមទាំងជាគ្រឿងផ្សំដ៏សំខាន់សម្រាប់ធ្វើម៉ាស់ ដើម្បីថែរក្សាសក់ស្ងួតទៀតផង។
រូបមន្ដ ដែលអ្នកនឹងត្រូវការ៖
•ស៊ុតចំណែកស ១គ្រាប់
•យ៉ាអួសុទ្ធ ១/៤ ពែង
•Mayonnaise ១/៤ ពែង
ក្រោយពេលកូរស៊ុតឱ្យខាប់ល្អហើយ អ្នកអាចបន្ថែមយ៉ាអួ និង Mayonnaise។ លាបល្បាយនេះទៅលើសក់របស់អ្នក ហើយគ្របវាជាមួយនឹងមួកផ្លាស្ទីក បន្ទាប់មកទុកវាឱ្យបាន ៣០នាទី រួចលាងជម្រះល្បាយនោះជាមួយនឹងទឹកត្រជាក់ ហើយកក់សក់លាងជម្រះដោយសាប៊ូធម្មតា ដែលអ្នកតែងប្រើ។
៥. ស៊ុត៖ រូបមន្តព្យាបាលសក់ស្ងួតភាគច្រើនធ្វើឡើងពីស៊ុត ពីព្រោះវាសម្បូរដោយជាតិប្រូតេអ៊ីន និង lecithin។ ម៉ាស់អាចធ្វើជាច្រើនវិធី។ អ្នកអាចប្រើជាមួយស៊ុតវាយបំបែក ដោយលាបវាទៅលើសក់ មួយភាគម្ដងៗ ហើយទុកវាឱ្យបាន ១០នាទី។ សូមចងចាំថា ស៊ុតនេះវាមានក្លិនឆ្អាបបន្តិចហើយ អញ្ចឹងត្រូវលាងវាជាមួយទឹក និងទឹកខ្មេះពណ៌ស៕
ទទួលបានសុខភាពល្អពីវិធីធ្វើទឹកប្រទាលកន្ទុយក្រពើស្រស់
ប្រទាលកន្ទុយក្រពើគឺជារុក្ខជាតិមានឫសដុះផ្ទាល់នឹងដីមួយប្រភេទដែលមនុស្សទូទៅនិយមប្រើប្រាស់អស់រយៈកាលរាប់ពាន់ឆ្នាំមកហើយ ។ រុក្ខជាតិប្រភេទនេះភាគច្រើនមានដុះនៅតាមតំបន់អាកាសធាតុត្រូពិក ដូចជាប្រទេសនៅក្នុងតំបន់អាស៊ីជាដើម ។ មនុស្សភាគច្រើនយករុក្ខជាតិប្រភេទនេះទៅប្រើប្រាស់ជាឱសថសម្រាប់ព្យាបាលរោគ និងសម្រាប់យកទៅធ្វើជាបង្អែម ឬភេសជ្ជៈជាដើម ។
ដូច្នេះដើម្បីទទួលបានសុខភាពល្អជាប្រចាំ លោកអ្នកអាចសាកល្បងជាមួយនឹងការពិសារទឹកប្រទាលកន្ទុយក្រពើស្រស់ៗ ដោយអនុវត្តតាមវិធីសាមញ្ញៗ ងាយៗដូចខាងក្រោមនេះ៖
ដំណាក់កាលទី១៖ តម្រូវការ
-ប្រទាលកន្ទុយក្រពើ (២បន្ទះ)
-ស្លឹកជីអង្កាម (២សន្លឹក)
-ទឹកខ្ញី (១ដុំតូច)
-ត្រសក់ហ័នល្អិតៗ (១ផ្លែតូច)
-ទឹកក្រូច (១ផ្លែ)
-ទឹកធម្មតា (១-២កែវ)
-ស្ករ (១-២ស្លាព្រា) (ឬអត់ក៏បានទៅតាមចំណង់ចំណូលចិត្ត)
-កែវទឹកកក (១កែវ)
(បញ្ជាក់៖ លោកអ្នកអាចដក ឬដាក់បន្ថែមគ្រឿង និងបរិមាណរបស់វាទៅតាមចំណង់ចំណូលចិត្តរបស់អ្នក ) ។
ដំណាក់កាលទី២៖ វិធីធ្វើ
ចិតសម្បកប្រទាលកន្ទុយក្រពើចេញ រួចលាងទឹកដើម្បីជម្រះឲ្យអស់នូវជាតិអន្ធឹលៗរបស់វា បន្ទាប់មកហ័នប្រទាលកន្ទុយក្រពើជាចំណិតតូចៗ (ឬដាក់ទាំងមូល) រួចដាក់ចូលទៅក្នុងម៉ាស៊ីនកិនទឹកក្រឡុកជាមួយនឹងជីអង្កាម ត្រសក់ដែលបានហ័នរួច ទឹកខ្ញី ទឹកក្រូច ឬស្ករបន្តិច ។ បន្ទាប់មកទៀត ចាប់ផ្ដើមក្រឡុកចូលគ្នា រួចហើយបន្ថែមទឹក១-២កែវចូលទៅក្នុងនោះបន្តិច រួចបន្តការក្រឡុករហូតដល់ល្បាយត្រូវបានកិនម៉ដ្ឋល្អ ។ ចុងក្រោយ ចាក់ទឹកភេសជ្ជៈដែលបានកិននោះចូលទៅក្នុងកែវទឹកកកដែលបានត្រៀម នោះលោកអ្នកនឹងទទួលបានភេសជ្ជៈប្រទាលកន្ទុយក្រពើស្រស់ផ្អែមត្រជាក់ឆ្ងាញ់ពិសារមួយកែវជាមិនខាន។
Subscribe to:
Posts
(
Atom
)
No comments :
Post a Comment